衣著自由？著瑜伽褲都要比你批鬥？

一位女性，無論擁有咩身材膚色，係衣著選擇上都應該受自己既自由意志支配。 在此作為基礎上不應受到他人限制和阻止，亦不應遭受言語、行為以及任何形式的侮辱性評價。 女性衣著，從來都被社會大眾定型。

條件又依女性的種族、膚色、社會位置而異。 例如某某女士必須足夠性感、另一群女士必須要端莊優雅、 年輕女性要表現出天真與青春感、年長或身型較差的女士則必須要遮蓋自己身體不吸引的部份。

除此之外，仲有嚴重雙重標準。

乜真係只有靚女身材好先有資格著自己鍾意既衣著？ 身型肥少少、平胸、皮膚黝黑、腳粗、O型腳等所謂既”身型缺點”係咪就唔配擁有呢種自由？

我地尊重亦理解呢個社會上總有人思想比較保守，觀念比較封建。 但亦都希望大家唔好從單方面認知去要侮辱他人，至少，都要做到互相尊重。

時至今日，衣著代表好多野，但最重要既，其實係代表左你自己，亦都代表左你認為你自己＂是誰＂。

Sesamism 係度希望每一位女性都可以學會欣賞自己的美， 除左你自己，冇任何人有權利，資格去Judge你自己！

- 致所有勇於表達自己的女生